A alcaldesa de Mos no Telexornal Mediodía da TVG sobre o CRIBADO DA COVID-19 Á POBOACIÓN DE MOS

Escrito por Concello de Mos. Posteado en Actualidade

A alcaldesa de Mos, Nidia Arévalo, ven de falar para o Telexornal Mediodía da TVG que se emite ás 14.30 horas sobre o CRIBADO DA COVID-19 Á POBOACIÓN DE MOS que comeza esta tarde.
 
A ÁREA SANITARIA DE VIGO convida a participar a 3000 persoas asintomáticas dese Concello a realizarse unha proba PCR no Covid-Auto do Hospital Meixoeiro.
 
A Área Sanitaria de Vigo continúa desenvolvendo a estratexia para realizar un cribado poboacional, mediante a realización da proba PCR, a persoas asintomáticas, e detectar aquelas positivas que non presentan síntomas clínicos. Neste contexto, o Sergas convida a 3.000 persoas do Concello de Mos a realizarse unha proba diagnóstica. Na tarde de hoxe xa se inicia este cribado no Covid- Auto do Hospital do Meixoeiro.
 
O obxectivo é captar ao maior número de persoas que estean infectadas pero que non presenten clínica, xa que supoñen un gran risco para a saúde pública; ao ter un bo estado de saúde, continúan desenvolvendo a súa vida habitual e, polo tanto, poden ser potenciais contaxiadores e estar contribuíndo á expansión do virus.
 
Participación voluntaria:
A Área Sanitaria de Vigo ofertará participar neste cribado a aquela poboación do Concello de Mos que cumpran determinados requisitos: estar no rango de idade entre 18 e 60 anos; non ter realizada unha proba PCR nas últimas 2 semanas; e dispor dun teléfono móbil rexistrado no sistema de avisos “Lembra” que autoriza ás autoridades sanitarias a enviar notificacións a través de mensaxes SMS.
 
As persoas seleccionadas son contactadas polo Servizo Galego de Saúde e invitadas a realizarse a proba diagnóstica PCR. A súa participación é completamente voluntaria. Se deciden aceptar, se lles facilita unha cita -con dia e hora- para achegarse ao dispositivo
sanitario habilitado, no que se lle tomará unha mostra nasofarínxea para o seu procesamento.