Cambio de cuberta do Pavillón Óscar Pereiro

Escrito por Concello de Mos. Posteado en Actualidade, Obras

A alcaldesa de Mos, Nidia Arévalo, e a concelleira de Deportes mosense, Begoña Toucedo, visitaron as obras de cambio de cuberta do Pavillón Óscar Pereiro que se están a acometer con cargo ao Plan Concellos.

Nas imaxes pódese ver o antes e o despois que supón esta subtitución por un material máis novo, moderno, lixeiro e translúcido, que incrementa enormemente a luminosidade do pavillón.

Están a ser substituídas tódalas pranchas existentes cambiándoas por outras novas de policarbonato celular de 30 mm de espesor e 900 mm de ancho. As novas pranchas están ancoradas á estrutura portante mediante abrazadeiras de ancoraxe.

Con esta mellora obterase unha transmisión de luminosidade do 52%, o que suporá un aforro na enerxía eléctrica da instalación e lograrase maior claridade no interior do pavillón, ademais de evitar as filtracións de auga.

A integración co resto da cuberta é perfecta, por ter un sistema de unión en forma de alas, polo que forma un plano compacto, unindo as pranchas.

Ademais asegura a entrada da luz sen necesidade de cambios de temperatura e evita fugas térmicas ou entrada de humidades.

A superficie en planta da cuberta do pavillón é de 1.298,00 metros cadrados, sendo a superficie de policarbonato de 500 metros cadrados. O orzamento de execución material ascende a 21.000 euros.