Carolina Pereiro do Club Natación Mos convocada pola Selección Galega para representar a Galicia no Campionato de España Infantil Junior
Carolina Pereiro do Club Natación Mos vén de ser convocada pola Selección Galega da Federación Galega de Natación para representar a Galicia no Campionato de España Infantil Junior por CC.AA. Nadará as probas de 100 e 200 Braza.Carolina, que adestra no Club Natación Mos baixo as ordes de Alberto Pereira “Xouba” convértese na primeira nadadora do clube mosense en ser convocada pola Selección Galega. Un paso máis e un recoñecemento merecido tras proclamarse Campioa Galega en múltiples ocasións.
