Concerto de Primavera Ventos do Val

Escrito por Concello de Mos. Posteado en

Map Unavailable

Día

07/04/19

A Coral Polfónica Ventos do Val celebra unha nova edición do seu Concerto de Primavera
Será o domingo 7 de abril ás 18.30 horas no Multiusos das Pozas

A mosense Coral Polifónica Ventos do Val, da parroquia de Petelos, organiza a XIX Edición do Concerto de Primavera. Celebrarase o vindeiro domingo, día 7 de abril, ás 18.30 horas do serán, no auditorio do edificio Multiusos das Pozas en Petelos. A entrada ao concerto é libre e de balde para todas aquelas persoas que desexen asistir, xa que a Coral Polifónica Ventos do Val e unha agrupación sen ánimo de lucro.
Con este concerto a agrupación coral de Petelos abre o seu ano cultural de actuacións 2019, durante o que os seus integrantes pretenden facer chegar as súas cancións na vertente do canto coral polifónico a todos os amantes da cultura musical.
Neste evento musical, ademais da coral anfitriona, colaborarán e participarán a Coral Frol Nova de Chapela e a Coral do Colexio Provincial de Avogados de Pontevedra. Ademais actuará o grupo de acordeóns da Escola Municipal de Música de Mos, Argonat Band.
As corais convidadas e a local ofrecerán a interpretación de varias obras cun programa variado de cancións caracterizadas pola calidade na interpretación. Será un repertorio que incluirá cancións populares galegas, habaneras, xotas, boleros e zarzuelas.
Representantes da Coral Ventos do Val aseguran que “os obxectivos máis inmediatos da Coral son mellorar o seu repertorio e conveniar con agrupacións corais doutros municipios todos os intercambios posibles que contribúan a enriquecer cultural e musicalmente a ambas partes, levando a música como bandeira”.