Mos inicia o programa anual “TraballaMOS polo teu Futuro”

Escrito por Concello de Mos. Posteado en Actualidade

Trátase dunha estratexia de fomento do emprego, con iniciativas de periodicidade mensual, organizada conxuntamente polas concellerías de Formación e Emprego e Educación e Participación Cidadá

 

 

 

A concellería de Formación e Emprego que dirixe o edil Óscar Soto deseñou unha estratexia de fomento do emprego a desenvolver durante o presente ano 2015 en colaboración co departamento municipal de Educación e Participación Cidadá que dirixe a edil Kely Monzón.

 

 

 

Este programa leva por título “TraballaMOS polo teu Futuro” e incluirá accións de fomento do emprego organizadas mensualmente. Durantes o presente mes de febreiro celebraranse cinco actividades consistentes nunha serie de sesións formativas tituladas “Orienta2”, a presentación da estratexia local de Emprego “TraballaMOS polo teu Futuro”, unha charla de cualificación e emprego para xóvenes, un taller formativo sobre o portal dixital profesional Linkedin e un curso intensivo de inglés.

 

 

 

As sesións formativas da Axencia de Colocación para a búsqueda de emprego “Orienta2” desenvolveranse semanalmente ata finais de ano e serán impartidas a cargo de personal da Axencia de Colocación e do voluntario dixital (VOLDIX), Daniel Rodríguez.

 

 

 

O obxectivo destas sesións é formar ós participantes en competencias dixitais básicas e apoio para a alta na Axencia de Colocación. Van dirixidas a persoas sen competencias dixitais ás que se lles ofrecerá axuda para crear un correo electrónico, formación para o seu uso, axuda para a alta no portal web da Axencia, etc. As sesións desenvolveranse na Aula CeMIT da Axencia de Colocación os días 2, 12, 20 e 25 de febreiro. Os interesados en participar deberán solicitalo a través do correo electrónico: info@axenciadecolocacionmos.es

 

 

 

A presentación da estratexia local de Emprego: “TraballaMOS polo teu  Futuro” (a cargo da concellería de Emprego e a concellería de Educación e Participación Cidadá) terá lugar o vindeiro 25 febreiro ás 09:30 horas.

 

 

 

A charla “Programa Integral de Cualificación e Emprego para Xóvenes-Sistema de Garantía Xuvenil” conta para a súa organización coa colaboración da Dirección Xeral de Xuventude e Voluntariado. Celebrarase o vindeiro mércores, 18 de febreiro, ás 17:30 horas. O obxectivo desta charla é informar a tódolos xóvenes do municipio sobre o Programa de Garantía Xuvenil, enmarcado dentro da estratexia de Emprendemento e Emprego Xove, que ten por finalidade dar resposta á situación laboral na que se atopan moitos mozos e mozas en Galicia. Os xóvenes do municipio de Mos interesados en inscribirse nesta actividade poden facelo a través do correo electrónico: info@axenciadecolocacionmos.es

 

 

 

O taller formativo sobre Linkedin conta coa colaboración do Servizo IOBE do Concello de Vigo, a cargo de Xosé Alberte Cea Bermúdez. Trátase dun obradoiro que persegue o obxectivo de mellorar as competencias dixitais para a busca de emprego, de maneira específica na rede social e profesional Linkedin (novas formas de busca de emprego). A data de celebración do taller será o 25 febreiro a partir das 10:00 horas, e, tras o remate do obradoiro, impartirase unha sesión sobre “Como elaborar o teu currículo”.

 

 

 

Por último, a concellería de Educación e Participación Cidadá mosense que dirixe a edil Kely Monzón organiza un curso intensivo de inglés para a preparación das probas de nivel para a obtención do First e/ou B2, que se levará a cabo dende o vindeiro mes de marzo a maio de 2015. As probas de obtención do First e/ou B2 convócanse habitualmente no mes de xuño.

 

 

 

A frecuencia das clases será de dous días semanais por grupo cunha duración de cada clase de 90 minutos, o que veñen a sumar unha carga lectiva de 12 horas mensuais por cada grupo. O curso comezará o día 2 de marzo e dividirase en dous grupos, o grupo 1 recibirá as clases os martes e xoves de 19:30 horas a 21:00 horas e o grupo 2 os luns e mércores tamén de 19:30 horas a 21:00 horas. As clases impartiranse na Axencia de Colocación.

 

 

 

Os/As beneficiarios/as directos/as deste programa serán  tódolos/as mosenses interesados/as na aprendizaxe do idioma maiores de 16 anos. Indirectamente os mozos e mozas doutros municipios que estean interesados nesta programación. Teñen preferencia as persoas empadroadas no Concello de Mos. Establécese un mínimo de 8 persoas por grupo e un máximo de 15.

 

 

 

O prazo de inscrición na actividade rematará o 26 de febreiro. Os interesados en inscribirse deberán presentar a solicitude cuberta e asinada xuntando fotocopia do DNI. As prazas serán adxudicadas por orde de entrada da solicitude no Rexistro do Concello. A publicación da lista de admitidos realizarase o venres 27 de febreiro. O curso suspenderase de non acadarse o número mínimo 8 participantes.

 

 

 

Dado que os grupos formaranse coa finalidade de preparar o examen First e/ou B2, as persoas inscritas terán a posibilidade de facer unha proba de nivel gratuíta o martes 24 de febreiro ás 19:30 horas, para comprobar si acadan o nivel esixido. Nesta proba a profesora lles pasará un pequeno test e tras finalizar lles indicará as posibilidades reais de superar a proba oficial. O resultado deste test sería informativo, non excluínte. É dicir, se alguén que non supera este test quere anotarse ó curso, poderao facer igualmente (pois pode haber xente que non estea interesada en presentarse ás probas oficiais). A actividade será levada a cabo por unha monitora Licenciada en Filoloxía Inglesa.