O Concerto Didáctico clausura un ano máis o curso escolar en Mos

Escrito por Concello de Mos. Posteado en Actualidade

Trátase dunha iniciativa promovida pola concellería de Educación e impartida pola Escola Municipal de Música

 

Onte comenzou, e rematará mañá, o Concerto Didáctico que cada ano, con motivo do fin do curso escolar, organiza a concellería de Educación mosense que dirixe a edil Kely Monzón, e imparte a Escola Municipal de Música de Mos. Sobre esta iniciativa a concelleira responsable da mesma declarou hoxe que “dende a concellería de Educación e Participación Cidadá do Concello de Mos queremos seguir contribuíndo e fomentando os recursos que hai no noso entorno. A difusión da cultura e as artes entre os escolares é uns dos propósitos fundamentais desta área, e tendo en conta a importancia da música no desenvolvemento humano, queremos contribuír no desenvolvemento integral dos nosos escolares brindándolles a oportunidade de poder vivila en directo”.

 

Os obxectivos do Concerto Didáctico son achegar o mundo da música aos alumnos/as do Concello de Mos, proporcionarlles unha actividade didáctica de carácter musical, promover o coñecemento dos diferentes instrumentos musicais, espertar a curiosidade e interese por esta arte e dar a coñecer á Escola Municipal de Música e os seus músicos.

 

En total beneficiaranse desta iniciativa 532 alumnos: 168 do CEIP de Petelos, 320 do CEIP Pena de Francia, 241 do CEIP Mestre Martínez Alonso de Castro-Mos, 180 do CEIP Mestre Valverde Maio de Sanguiñeda e 151 do CEIP Atín-Cela. A actividade ofrecéuselles a todos os centros educativos de Educación Primaria e Secundaria de Mos, pero soamente os mencionados decidiron acollerse a esta iniciativa.

 

A actividade consiste nun concerto didáctico a cargo da Escola Municipal de Música (Torroso), cunha duración dunha hora aproximadamente cada sesión. Trátase dun evento interactivo onde os máis pequenos aprenden a distinguir as familias de instrumentos empregando os seus sentidos (vista, oído e tacto). Trátase en definitiva, dun encontro diferente coa música, cos músicos e cos instrumentos.

           

O concerto desenvólvese dentro do horario lectivo durante os días 17, 18 e 19 de xuño, e as distintas sesións, realízanse no propio centro de ensino (salón de actos), agás no caso do CEIP Petelos, cuia sesión se celebrou esta mañá nas instalacións do Multiusos das Pozas.