Os mosenses poden consultar o Censo Electoral ata o 15 de abril no Rexistro do Concello

Escrito por Concello de Mos. Posteado en Actualidade

A consulta deberá ser realizada de luns a venres en horario de 9.00 a 14.00 horas

Dende o Rexistro Xeral do Concello de Mos infórmase de que os electores mosenses xa poden consultar si se atopan no Censo Electoral con motivo das vindeiras Eleccións Municipais do 26 de maio de 2019.

Deste xeito ponse a disposición dos veciños do Concello de Mos, o servizo de consulta das listas do Censo Electoral vixentes que poden ser consultadas dende o vindeiro luns día 8, ata o 15 de abril.

A consulta realizarase mediante medios informáticos e para acceder aos seus datos, os/as interesados/as poderán facelo no departamento do Padrón de habitantes do Concello de Mos (ventanilla de Rexistro Xeal na Casa Consistorial), previa identificación do interesado a través do DNI, pasaporte ou permiso de conducir, en horario de luns a venres de 9.00 a 14.00 horas.