Sendeiro do Monte Salgueirón

Esta ruta goza dun especial atractivo dende o punto de vista paisaxístico, as formacións vexetais autóctonas, ademáis da beleza visual resulta de indudábel interese turístico. Como é lóxico ao tratarse dunha zona de montaña son poucos os asentamentos que ao longo da ruta poden atoparse, pero non son poucos os motivos polos cales o sendeirista pode chegar a se sentir atraído para adentrase nesta comarca. Sen dúbida algunha o primeiro de todos eles é a espléndida e marabillosa paisaxe na que se mesturan elementos distintos que despertan inmediantamente a admiración: altas montañas de rochas espidas, aldeas dispersas, e un clima benigno en época estival invitan á práctica desta modalidade de turismo verde.

Características	Sendeiro de grande percorrido.
Itinerario	Pedra Pinta-Cruce de Camiños-Canteiras de Mos-Os Focas-Cruce-Vértice geodésico As Sete Paredes
Duración	Tempo estimado en 8/10 horas
Dificultade	Ruta en ascenso
Lonxitude	25,30 km
Punto de Inicio	Pedra Pinta
Punto de Finalización	As Sete Paredes no límite do término municipal co Concello de Pazos de Borbén
Lugares de Interese	Parroquia de Louredo, Torre Mediaval, Cruce de Camiños (Mirador natural), dende alí pódese contemplar os vals do Louro e do Tea
Servizos Dotacionais	Auga potable en diversos puntos