XV edición da Festa do Codillo de Mos
A celebración gastronómica presentouse hoxe no Pazo dos Marqueses e terá lugar esta fin de semana
O Pazo de Mos acolleu hoxe ás 12.30 horas a presentación da XV edición da Festa do Codillo de Mos. No acto estiveron presentes a alcaldesa mosense, Nidia Arévalo, a concelleira de Cultura, Sara Cebreiro, o tenente de alcalde, Óscar Soto, o edil Camilo Augusto e Juan Carlos Lago Rodríguez, representando ó Círculo Cultural e Deportivo Santa Eulalia-Mos en calidade de presidente, acompañado doutros membros da agrupación. A Festa do Codillo está organizada polo Círculo Cultural e Deportivo Santa Eulalia-Mos e conta coa colaboración do Concello, da Fundación Pazo de Mos e da Deputación de Pontevedra.Durante a presentación a rexedora local declarou sentirse orgullosa desta festa, “que é tamén un orgullo para todo o Concello de Mos por levar celebrándose xa 15 edicións”, dixo Arévalo. Ademais a alcaldesa insistiu en darlle as gracias ós membros da entidade organizadora da festa, o Círculo Cultural e Deportivo Santa Eulalia-Mos, polo enorme esforzo realizado ano tras ano para que todo saia á perfección durante esta celebración.
Cifras
O domingo, 21 de outubro, cociñaranse no recinto da festa, situado nesta ocasión nunha nova ubicación, -o contorno do Pazo dos Marqueses de Mos-, 2.500 kilos de codillo de porco, 500 kilos de arroz e 150 kilos de chícharos, cebola, allo, pemento, etc. A preparación do plato correrá ó cargo de Catering Alfonso.Toda esta gran cantidade de ingredientes servirá para preparar un total de 6.000 racións que estarán acompañadas por 5.000 bolas de pan e 2.000 botellas de viño. O prezo de cada ración será de 8,00 euros incluíndo codillo con arroz e chícharos, pan, bebida e prato de porcelana, garfo e coitelo de recordo.
Programa
Os actos da programación festiva iniciaranse xa o sábado 20 de outubro a partires das 20:00 horas coas actuacións do grupo de playback “A Forna” de Budiño, o grupo de playback “Noite Meiga” de Guizán e o grupo de playback “Estrelas do Castelo”; seguidas do 10º concurso de serra de troncos con tronzador de man, e un Magosto popular acompañado do concerto do grupo de zanfonas “Os Chavellos” de Pereiras.Xa o propio domingo, día 21, ás 10:00 horas abrirase ó públicoo “I Mercado de artesanía, gastronomía e productos da terra”, e ás 11:00 horas comenzará a degustación do codillo, amenizada polo grupo de Baile “Sta. Eulalia”, a Banda de Gaitas “Airiños do Castelo” e o Grupo Folclórico Sta. Cristina de Valeixe (A Cañiza).
Ás 12:00 horas Alberto Costas Táboas, bombeiro mosense, medallista das Olimpiadas e Mundiais de Policías e Bombeiros, dará o pregón deste ano. E ás 15.30 horas actuarán a “Charanga Charamujas” e o grupo de gaitas de Sta. Cristina de Valeixe (A Cañiza).
A programación verase completada con sorteos e sorpresas. O recinto da festa estará totalmente cuberto por unha carpa de 1.000 m².
